Maniela Sota ka përfunduar studimet e larta në Fakultetin e Letërsisë, Universiteti i i Bukureshtit, në Rumani, dega: Gjuhë-Letërsi Rumune, Gjuhë-Letërsi Angleze. Në vitin 2010 përktheu “Majkëll Xhekson. Magjia dhe Çmenduria” nga J. R. Taraborrelli; në vitin 2013 përktheu romanin amerikan bestseller “Hopeless” (“I pashpresë”) nga Colleen Hoover, ndërsa në vitin 2016 “Qyteti pa seks” shkruar nga Randa Abdel-Fattah dhe “Menaxhimi dhe marketingu i klubeve të futbollit” nga Thanos Kriemadis dhe Nicos Kartakoullis. Për të vazhduar më pas, në 2017-n, me “Vajza e Mirë” shkruar nga Mary Kubica dhe në 2018-n me “Mall për ty” nga Harlan Coben, si edhe në 2021-n me “Zjarrvënësit” nga Jan Carson. Maniela Sota është gjithashtu autore e librave të gjuhës angleze për shkollat fillore dhe të mesme, aprovuar dhe licencuar nga Ministria e Arsimit. Metodat: “Hello 1”, “Hello 2” dhe “English for you 2”.