Shkrimtar dhe intelektual i angazhuar francez, André Malraux (1901-1976) ka përjetuar ngjarjet madhore të shekullit të 20-të, duke lënë gjurmë në letërsinë bashkëkohore franceze. Si mbrojtës i flaktë i dinjitetit njerëzor, Malraux angazhohet drejtpërdrejt në luftën kundër fashizmit.
Malraux shkrimtar, filozof, por njëkohësisht edhe njeri i aksionit,  falë krijimtarisë së tij artistike dhe angazhimit politik ka ditur të na dhurojë në periudha kyçe të historisë së njerëzimit, vepra që kanë korrur një sukses ndërkombëtar.