Vladislav Bajac është romancier, tregimtar, poet dhe botues, i lindur në vitin 1954 në Beograd. Ka studiuar për letërsinë e hapësirës jugosllave dhe të përbotshme në Fakultetin e Shkencave Humane në Beograd. Ka punuar gjithashtu edhe si gazetar dhe përkthyes. Ka redaktuar dhe përkthyer dhjetëra tekste letrare, ku përfshihen disa antologji dhe libra, ndër të cilët më të njohurit janë: Poetët e gjeneratës Beat (1979); Udhëpërshkrim - një udhëzues për poezinë bashkëkohore amerikane (1983); Historitë Zen (1980); Rrëfimet Chan, Energjia e skllevërve të Leonard Cohen-it (1981); Çfarë jam duke bërë këtu (1984). Ka botuar antologjinë Najnovija beogradska prica (Tregimet më të fundit beogradase) (1981). Poezinë e tij e gjejmë në Cila udhë të çon te njerëzit (1972) dhe Rruga e Haikut (1988). Ka fituar çmimin e “Haikut” për poezinë e tij në Konkursin Ndërkombëtar të Poezisë “Itoen Haiku”, Tokio, më 1991 dhe 1993.

Librat e tij me tregime janë Europa në shpinën e një demi (1988) dhe Mbajtësit e ëndrrave: Fabula gjeopoetike (1992, 1995), ky i fundit ka fituar Çmimin “Stevan Pešic” si libri më i mirë në prozë të atij viti. Ka shkruar disa romane: Libri i Bambusë (1989); Kutia e Zezë (1993) - Çmimi i Fondacionit “Borislav Pekic”; Druidi nga Sindiduni (1998) - Çmimi “Šesti April” si romani më i mirë kushtuar Beogradit; Çmimin e Fondacionit “Branko Copic” dhënë nga Akademia Serbe e Arteve dhe e Shkencave; Çmimi Bestseller i Vitit; Arratisja nga Biografia (2001) - Çmimi “Hit Libris”; Europe Express (2003) - Çmimi Ndërkombëtar “Unaza e Artë”, që jepet për kontribute të shumta në letërsi, Shkup, Maqedoni. Romani i tij “Hamam Ballkania” u vlerësua me Çmimin Ndërkombëtar Letrar “Balkanika” si romani më i mirë në Ballkan për vitin 2008; me Çmimin Letrar “Isidora Sekulic” si libri më i mirë për vitin 2008, si dhe Çmimin Letrar “Hit Liber” si libri më i shitur në të njëjtin vit.

Poezia dhe proza e tij janë përkthyer në shumë gjuhë të huaja. Librat e tij janë botuar në Francë, Maqedoni, Bullgari, Rusi, Itali, Slloveni dhe Greqi, kurse shumë shfaqje teatrore me tekste të tij janë interpretuar kudo. Ai është aktualisht nënkryetar i Qendrës PEN të Serbisë.

Është themeluesi dhe presidenti i Shtëpisë Botuese “Geopoetika”, Beograd, Serbi.

Jeton në Beograd.