Raluca Nagy, antropologe dhe shkrimtare rumune, sjell në roman një ndjeshmëri të lidhur ngushtë me interesin e saj për kulturat, hapësirat dhe mënyrat e ndryshme të të jetuarit. E lindur në Cluj-Napoca në vitin 1979, ajo ka studiuar ekonomi, antropologji dhe sociologji. Romani i saj i parë, "Un cal într-o mare de lebede" (Një kalë në një det mjellmash), u vlerësua me çmimet e debutimit “Sofia Nadejde” dhe “Observator Cultural”. Romani i dytë, "Teo nga 16 në 18", i botuar në vitin 2021, përfaqësoi Rumaninë dhe u rendit mes finalistëve për Çmimin e Bashkimit Europian për Letërsinë (EUPL) 2022.