Kostas Mourselas lindi në Pire ku përfundoi edhe gjimnazin. Në vitin 1951 ishte student në vitin e parë për Juridik, arrestohet si kuadër i EPON-it (organizata mbarëgreke e të rinjve në kohën e fashizmit) dhe dënohet nga Gjykata Ushtarake e kohës (çështja Belojani). Për vite të tëra studioi për violinë, por e ndërpreu kur filloi t’i kushtohej teatrit.

Veprat e tij u luajtën nga trupat e Teatrit të Lirë, nga Teatri Kombëtar, nga Teatri i Artit, nga Teatri Shtetëror i Greqisë së Veriut, nga Teatrot Popullorë, si edhe jashtë shtetit (Francë, Gjermani, Qipro). Për publikun e gjerë u bë i njohur nga shfaqjet televizive të veprave të tij, si: “Njoftime të vogla”, “Ngadalë, atdheu po fle” , “Ora”, si edhe nga seriali satirik i suksesshëm “Ai dhe... Ai” (130 episode).

“Flokët flakë të kuq” qarkulloi për herë të parë në vitin 1989. Gjithashtu, nga botimet “Pataki” qarkullon edhe romani “Në cep të natës” (2011).