·       Romani i parë i Réka Mán-Várhegyi shtron një sërë pyetjesh të rëndësishme në lidhje me pabarazitë sociale. Ja vlen të lexohet! - Alida Qerim

·       Në këtë libër më tërhoqi vëmendjen ndryshimi që autorja bën jo pak herë në tregimin e historisë midis fshatit hungarez, Budapestit dhe Nju Jorkut. Duke mos i njohur këto vende nga afër, më bëri të imagjinoj sikur isha atje. - Asiel Terpollari

·       “Kodra magnetike” është ndërtuar nga fjali të pasura me mjete retorike krijuese si përsëritje dhe lista të cilat janë tipike për Mán-Várhegyi. - Aleksandro Demika

·       Librin e bën interesant dhe mënyra e shkrimit me dy zëra narrativë që janë të pranishëm në roman: disa kapituj janë nga këndvështrimi i Rékës, studentes së re sociologe, që tregon historinë e saj në vetën e parë, ndërsa pjesa tjetër tregohet nga një rrëfyes në vetën e tretë. - Dea Cekici

·       Pavarësisht se është i shkruar nga dy këndvështrime të ndryshme, dy transmetuesit nuk janë aq larg njëri-tjetrit; lexim i këndshëm dhe i ri për lexuesin shqiptar. - Elcino Agolli

·       Réka e përshkruan sjelljen e saj me një saktësi të tillë, sikur po e shikonte veten nga jashtë. Ky është një element shumë interesant i librit që të bën ta lexosh me kuriozitet. - Elda Cibuku

·       Autorja, e re në fakt për lexuesit e vendit tonë, analizon hollësisht rolin e saj dhe sjelljet e saj kundrejt vendimeve që merr. Një vëzhgim psikologjik shumë interesant. - Erika Molla

·       Libri është i shkruar shumë këndshëm duke na sjellë një vetë reflektim të sinqertë. Personazhet nuk janë bardh e zi, nuk ka personazhe dukshëm të mirë apo të këqij. E rekomandoj. - Esi Kllogjri

·       Romani tregon një shumëllojshmëri grupesh shoqërore dhe këndvështrime të ndryshme. Ai zbulon mekanizmat që mbajnë patriarkalitetin dhe prodhimin vazhdueshëm të pabarazive, ndërkohë nuk synon të edukojë lexuesit e tij kaq drejtpërdrejt në lidhje me këtë temë. - Enkeleda Shkulaku

·       Më pëlqeu parregullsia në librin “Kodra Magnetike” - Megjithëse romani tregon gjithmonë se ku jemi në kohë në fillim të çdo kapitulli, ai vazhdimisht kërcen në kohë, prandaj është e vështirë të ndjekësh se çfarë ndodh kur. - Grisela Bici

·       Shumë ngjarje mbeten të papërfunduara në roman, dëshira të pakënaqura, historia nuk i përmbush pritshmëritë tona nga një sërë aspektesh. Kjo ishte pak “irrituese” gjatë leximit. - Julja Berberi

·        Personazhet zhvillohen në këtë libër pavarësisht se jo gjithçka shkon siç e parashikon. Në çdo moment libri të befason. - Jona Orhan

·       Një vepër e shkruar mirë nga një autore jo shumë e njohur në Shqipëri. Lexim i këndshëm për të parë pak më nga afër jetën hungareze. - Joana Pleqi

·       Një autore e re për lexuesin shqiptar e cila na fut pak më thellë në kulturën hungareze e cila është pak a panjohur për ne. - Kejsi Gjoka

Shpërndaje