Roberto Bolanjo u lind në Santiago, Kili, në 1953. Ai u vendos me familjen e tij në qytetin e Meksikës në 1968, por u rikthye në Kili në 1973, një muaj përpara se gjenerali Pinoçet të rrëmbente pushtetin. Në këtë kohë ai u arrestua. Pas lirimit të tij u kthye në Meksikë, udhëtoi në Europë dhe më në fund u vendos në Katalania. Është autor i disa romaneve dy prej të cilëve janë vlerësuar edhe me çmime: 2666 dhe Detektivët e egër  (The Savage Detectives). “Nokturne e Kilit” (By night in Chile) në shqip vjen pas suksesit të romanit “Ylli i largët” (Distant Star), botuar nga Toena në 2010.