Piercamillo Davigo, është anëtar i Këshillit të Lartë të Magjistraturës, aktualisht Kryetar Kolegji në Gjykatën Supreme të Kasacionit, konkretisht i Kolegjit të dytë penal që nga viti 2005. Ka hyrë në magjistraturë në vitin 1978 dhe është emëruar në Gjykatën e Vixhevanos në detyrën e gjyqtarit dhe më pas, në vitin 1981, në Prokurorinë e Milanos, në detyrën e ndihmësprokurorit. Nga viti 1992 ka bërë pjesë në bërthamën e hetimit “Duart e pastra”, duke trajtuar procedime që lidheshin me korrupsionin dhe mitmarrjen në ngarkim të politikanëve, funksionarëve dhe sipërmarrësve. Nga muaji dhjetor 2000, ka mbuluar detyrën e ndihmësprokurorit në Prokurorinë pranë Gjykatës së Apelit në Milano. Botime të tjera të autorit: “Setra e Mbretit, Intervista mbi korrupsionin” (me D. Pinardi-n, botim i ri 2004); “Korrupsioni në Itali. Perceptimi social dhe kontrolli penal” (me G. Manozzi-n, 2007); “Procesi italian” (me L. Sisti-n, 2012) dhe “Në Itali, të dhunosh ligjin, të lejohet”. E vërtetë! (2018).