Jorgos Filipou Pieridhi lindi në Dhali të Qipros në vitin 1904. U rrit dhe jetoi për shumë vjet në Egjipt. Në Qipro u vendos në vitin 1946. Gjatë periudhës 1954-1971, ishte drejtor i Bibliotekës dhe Galerisë së Arteve të Famagustës.

Vepra të autorit: Pambukpunuesit, roman, Aleksandri, 1945 (çmimi letrar “Margarita Griva”, Aleksandri). Tregime nga Lindja e Mesme, Qipro, 1949. Libra dhe biblioteka, studim, Famagusta, 1962. Kohë të ashpra, tregime, Athinë, 1963. Kohë të qeta, tregime nga Qiproja tjetër, Athinë, 1966. Katër tema të fjalës, ese, Athinë, 1973. Koha e të vetëkënaqurve, tregime nga Qiproja e parafundit, Athinë, 1975, (çmimi shtetëror për prozë i Ministrisë së Arsimit të Qipros). Koha e sprovës, tregime, Selanik, 1978. Dy tema paralele të fjalës, ese, Nikozi, 1980 (çmimi shtetëror për esenë, i Ministrisë së Arsimit të Qipros). Kujtime dhe histori nga Egjipti, Selanik, 1986.

Botoi gjithashtu studime nëpër revista dhe gazeta. Vepra të tij janë përkthyer në rusisht, në rumanisht, në arabisht, në gjermanisht, në suedisht, në anglisht dhe në gjuhën kineze. Në vitin 1982 u nderua nga Ministria e Arsimit të Qipros me çmimin e kontributit të përgjithshëm në letërsinë qipriote.