Romano Montroni (Bolonjë, 1939) u bë rastësisht një shitës librash në një moshë shumë të re. Pas një eksperience të parë në botën e shpërndarjes, që nga viti 1962 ai gjithmonë ka punuar me libraritë.

Që nga korriku 2005 ai ka bashkëpunuar me Coop për krijimin e zinxhirit librerie.coop në disa qytete dhe qendra tregtare. Në vitin 2006 ai botoi librin “Të shesësh shpirtin” me parathënie nga Umberto Eko. Pasionet e tij të mëdha, natyrshëm pas librave, janë muzika klasike dhe çiklizmi. Në dyzet e pesë vitet e fundit, falë punës së tij ai ka takuar romancierë dhe poetë, botues, librashitës dhe punëtorë të magazinës, studentë dhe profesorë, këngëtarë dhe muzikantë, politikanë dhe shkencëtarë, profesorë dhe intelektualë, gazetarë dhe kritikë, humoristë dhe aktorë. Ai ka zgjedhur dhe trajnuar mbi gjashtëqind librashitës dhe ka përuruar rreth pesëdhjetë librari.