Robert Shkurti ka lindur në qytetin e Durrësit më 24 nëntor 1962. Autori ka botuar si në prozë ashtu edhe në poezi. Libri i tij i parë është vëllimi me tregime me temë nga Shqipëria para dhe pas diktaturës, shkruar në gjuhën italiane në vitin 2010 me titull “Sotto il cielo delle aquile” (Nën qiellin e shqiponjave). Më pas autori botoi romanet “Drejt jetës”, “Ndërmjet dy kohëve”, “Luftë dhe tragjedi në Suharekë”. Dy romanet e fundit janë botuar edhe në italisht, “Tra due epoche” dhe “Suhareka”. Autori ka botuar gjithashtu edhe dy vëllime poetike “Regëtimë deti”, “Ajër shprese” si dhe një vëllim me poezi Haiku të titulluar “Psherëtima dallgësh”. Vëllimi me poezi Haiku është botuar në gjuhën rumune me titull “Valurile Iubirii” (Dallgët e dashurisë). Po në gjuhën rumune është botuar edhe vëllimi poetik “Ajër shprese” me titull “Lubire si speranta”. Autori jeton dhe punon që prej vitit 1997 në Itali.