Paolo Rago jeton prej njëzet e pesë vjetësh në Shqipëri, ku ka punuar me drejtorinë e përgjithshme të Kooperimit Italian, me UNICEF-in, Bankën Botërore dhe organizata të tjera ndërkombëtare. Në Tiranë ka punuar pranë zyrës së shtypit të ambasadës italiane dhe ka bashkëpunuar me Institutin Italian të Kulturës. Po në kryeqytet ka drejtuar Departamentin e Gjuhës italiane pranë Universitetit “Nostra Signora del Buon Consiglio” dhe është anëtar i bordit të universitetit privat “Marin Barleti”. Ka mbikëqyrur përkthimin në gjuhën shqipe të veprave të studiuesve italianë dhe është autor i teksteve të Gramatikës Italiane dhe të studimeve mbi Shqipërinë.