Me veprimtarinë e gjerë atdhetare dhe krijuese Daja ka fituar respektin e mërgimtarëve shqiptarë në gjithë gadishullin skandinav. Ai ka një krijimtari të pasur publicistike, letrare dhe artistike, ku spikat puna e madhe këmbëngulëse për hartimin e fjalorëve shqip-suedisht dhe suedisht-shqip. Aktualisht banon në ishullin e Ëlandit dhe së bashku me familjen e tij ka hapur një restorant me emrin “Shqiponja”. “Unë jam njëri ndër mërgimtarët tanë në Suedi, i dëbuar me dhunë para 53 vitesh. Rrethanat e jetës në mërgim, siç mund ta dini, janë mjaft të ndërlikuara e të vështira. Duke qenë larg atdheut, mërgimtarët tanë i pret pashmangshëm asimilimi i pjesshëm ose ai i plotë gradualisht. Ajo që brengos çdo njeri në rrethanat e jetës jashtë atdheut, është ruajtja e gjuhës shqipe”, - shkruan ai.