Janis Kallpuzos lindi në fshatin Mellates të Artës në vitin 1960. Ka shkruar përmbledhje poetike, tekste për 80 këngë, tregime dhe romane. Për përmbledhjen poetike Dashuria, tani e përherë, ka qenë kandidat i listës për Çmimin Shtetëror të Poezisë 2008, ndërsa më 2009 u nderua me Çmimin e Lexuesve të Qendrës Kombëtare të Librit për romanin e tij Imaret.

Paralogjia “Ujku 2”, e përfshirë në përmbledhjen me tregime Disa nuk harrojnë kurrë, u nderua në Konkursin Ndërkombëtar të Poezisë dhe Tregimit me çmimin Jorgos Seferis të Universitetit të Palermos. Shtëpia Botuese Psichogios ka hedhur në treg romanet e tij: Gjithçka që unë dua është e jotja, Saos, Pantomima e fantazmave, Shenjtorë dhe demonë, Imaret, Nën hijen e kullës së sahatit, Zemërim, I urti i liqenit, përmbledhjen e tregimeve Disa nuk harrojnë kurrë, krijimet e tij të adoleshencës Imaret 1 – dy miqtë dhe gjyshi Ismail si dhe Imaret 2 - farsa, luftë dhe ëndërrime, si dhe përmbledhjen poetike Poezi 2000-2017.