Nëntorë të portokalltë

Autori Toni Agolli me mjeshtëri ka dhënë realitetin e ashpër shqiptar në shumanshmërinë e tij, saqë aty-këtu të çudit që një roman jo me shumë faqe të rroki kaq hapësira dhe lëndë të pasur jetësore, mbase nganjëherë edhe bruto, thjesht evidencim pa ndier fort nevojën për të fantazuar; ka dhënë ëndrrat e shuara të brezave në Shqipëri, jo vetëm të njëzetvjeçarëve të fokusuar në fillim e në vijim rritën e tyre, por të mbarë popullit të mishëruara në karakteret aq të dashura, bie fjala, të Profesorit, të “katër vëllezërve”, si prezantohen dhe i njohin ngado si të tillë: Tomi, Vini, Flori, Niku dhe më pas Arjani, etj.