Poezia lirike antike greke

Vangjel Liza na jep në shqip një poezi korrekte që lexohet e shijohet me ëndje, si një poezi e porsakrijuar. Na jep ato copëza krijimtarie prej Safos, të cilat dëshmojnë talentin e madh, forcën e ngrohtësinë e fjalës së zgjedhur, elegancën, humanizmin dhe, mbi të gjitha, trazimet shpirtërore në hove katarsike gjithëkohore, çka e bën të afërt për lexuesin edhe pas pothuajse 26 shekujsh.

Në libër do të gjeni një vështrim të përgjithshëm të jetës ekonomike, politike dhe shoqërore të Greqisë së lashtë ndër vite; jetën  e Safos në Lesbo, si punoi dhe jetoi; më shumë se 50 poezi të përzgjedhura; komente letrare mbi disa poezi të njohura, si dhe botimet më të rëndësishme rreth veprës së Safos.