Rrëfenjat e një viti

Një kontribut i vyer i këtij libri është galeria mjaft e pasur e personazheve, skicimi dhe vizatimi i tyre pa “lëndë të tepërt”, të cilat vijnë nga kohë, rrethana e ngjarje të ndryshme, përmes kaleidoskopit të autorit. Mbi të gjitha, duhet të vënë në spikamë lindja dhe rritja e autorit nga një subjekt te tjetri, edukimi i vetvetishëm e shpesh i papritur e qesharak me njohuritë më fillestare për botën që e rrethon në tërësi, të cilat i përcjell me një humor të këndshëm, duke mbërritur në një kulminacion si te subjekti tregimtar “Gjatë ardhjes në jetë u betova për moskthim” etj.Vetë titujt e subjekteve mund të lexohen si sytha a kapituj të një romani a novele të gjatë, me protagonistë kryesisht autorin e mjaft prej bashkëfshatarëve të vet.