E strukur në përqafimin tënd

Romani E strukur në përqafimin tënd është një rrëfim i këndshëm i jetës së një gruaje të re, e cila pëson humbjen e burrit të saj që në çastet e para të jetës së tyre të përbashkët. Ngjarjet fillojnë të ndodhin në Bruksel, përmendet Gjermania dhe ndonjë vend tjetër. Lola, pas vdekjes së Tomit zbulon që është shtatzënë me të dhe trauma e saj zbutet disi e fillon të ketë një dritë për jetën. Personazhi i Lolës është skalitur mirë. Ajo është një grua e cila nuk mbytet në dëshpërim, por di ta përpunojë dhimbjen dhe të gjejë forcë shpirtërore për të shkuar përpara. Autori/autorja e veprës nuk është nxituar, por as e ka tepruar me periudhën e dhimbjes. Kalimi në jetën normale, pra shtatzënia dhe më pas një dashuri që lind me Sandrin, e rikthen atë në jetën normale dhe në optimizëm.