Të jetosh me lajmin, të rrezikosh për të vërtetën

Gjithçka nisi 60 vite më parë. Nuk e di nëse ishte një ëndërr, apo ndjenjë që ngacmonte instinktin e zgjimit dhe më ushqente dëshirën për të mbërritur atje... Isha shumë i ri, dhe jo me shkollë gazetarie, por kj nuk do të më pengonte të ecja pa u ndalur në rrugën që më çoi atje, në dyert e këtij profesioni kaq të bukur. Gazetarët, në sytë e mi, ishin vetë ndershmëria dhe e vërteta, njerëz ku bashkohen vlerat me virtytin. Ishte kjo shtysa pse gazetaria u bë dhe mbeti, vokacioni i madh i jetës sime. Ndaj kurrë nuk kam dashur të jem tjetër veçse gazetar. Gjithnjë vetvetja, duke mos bërë, në asnjë rast, kompromis me të vërtetën.