Bashkekzistencë - paqja, natyra, varfëria, terrorizmi, vlerat

Bashkekzistenca ka qenë elementi përbërës bazë i jetës së njerëzimit, që nga agimi i historisë së tij. Fillimisht në grupe të vogla - familje, fise - më vonë në komunitete më të mëdha - kombe, popuj - dhe gradualisht në shtete, perandori shumëkombëshe ose federata shtetesh në kontinente të ndryshme. Nevoja e njeriut për të komunikuar, për të parë qeniet e tjera njerëzore, për të krijuar “lidhje” me ta, ishte jetësore. Por, njëkohësisht, ishte një avantazh i përkryer, që shumëfishon mundësitë e individit, të grupit dhe të popullit, dhe që orienton drejt bashkekzistencës së tyre krijuese.

Të bekuar qofshin të gjithë ata që punojnë për:

- paqen në vendin e tyre dhe kudo në botë ku paqja kërcënohet,

- respektin me vepra ndaj mjedisit natyror,

- kufizimin deri edhe në zhdukje të varfërisë,

- luftën ndaj dhunës dhe neutralizimin e terrorizmit,

- mbizotërimin e vlerave shpirtërore, që kulmojnë me dashu-

rinë.

Lum ata që përpiqen për bashkekzistencën harmonike në ambientin e tyre, në vendin e tyre, në mbarë botën.