Vargjet e një kohe të shkuar

Vëllimi me poezi i autorit Toni Agolli ka mjaft vlera artistike. Në të gjejmë poezi të bukura, në të cilat trajtohen tema të ndryshme, si jeta e sotme, e shkuara, dashuria, dashuria për të afërmit, humbjet njerëzore, dhimbja, kapërcimi i saj, marrëdhëniet e vështira, varfëria, pleqëria, vdekja, - pra një sërë temash universale që poezia gjithnjë i lëvron dhe që poeti i këtij vëllimi ia ka dalë me mjeshtëri të na i sjellë në mënyrën e tij origjinale. Një karakteristikë e vëllimit është se nga fillimi në fund poezitë ruajnë origjinalitetin e autorit – janë të gjitha me rimë e me vargje 15-16 rrokëshe, po edhe me më pak rrokje, sipas temës, kanë ritëm e figuracion të pasur: metafora, alegori, krahasime, gjuhë të zhdërvjellë etj., mjaft me vend e na japin një imazh të fortë të çastit që poezia ka marrë përsipër të na përçojë, apo të idesë.