Klaster alternativë për rritjen e konkurrueshmërisë në ekonomi

Punimi, ka trajtën e një monografie, pasi përqendrohet në një temë të veçantë, siç është ajo e “klasterave për rritjen e konkurrueshmërisë në ekonomi”. Ky punim vjen për botim në një kohë kur në ekonominë e vendit tonë vazhdojnë ende të mbizotërojnë mënyrat tradicionale të organizimit të ekonomive, të prodhimit dhe shpërndarjes.

Përmes një analize shkencore, që pasqyrohet qartësisht në punim, autorja argumenton epërsitë e klasterave, si mënyra menaxhimi, përqendrimi, bashkëpunimi dhe bashkëveprimi të aktorëve, që përfshihen në to, krahasimisht të një niveli shumë më të lartë për vetë avantazhet krahasuese dhe konkurruese që ato mbartin, ndaj mënyrave tradicionale.