111 miq, vlerësime dhe urime, Shkëlqim Hajdari në 60-vjetorin e lindjes

"Në të vërtetë, libri që keni në duar, jo rastësisht, është ndryshe nga librat e zakonshëm. Ka të veçantën e tij.

Një libër shkruhet zakonisht nga një autor, i cili përmes ngjarjeve, rrethanave, njerëzve, mjedisit, hapësirës ku është

vendosur, krijon një univers ku lëvizin njerëz të ndryshëm.

Pra, ai krijon nga perceptimi i tij, ndjenjat, përjetimet, një botë të veçantë, sjell një mori fatesh njerëzore dhe figurash nga më të ndryshmet, dhe kjo është në vetë perceptimin e shkrimit.

Kjo gjendje është e pranishme dhe kështu ka qenë që në zanafillën e letërsisë.

Ky libër ka një rrjedhë ndryshe.

Nuk ka një autor të vetëm. Janë 111 autorë, të cilët, nga eksperienca e viteve, prirjet, e kaluara dhe e tashmja, kanë

sjellë figurën e një njeriu të vetëm, të cilin e kanë mik, shok, koleg, kanë pasur me të çaste të zakonshme apo dramatike, dhe, si ndodh në jetë, njerëzit e duan të Mirën, të Drejtën dhe të Ndershmen, dhe kundër kësaj dashurie nuk mund të bësh asgjë, nuk mund të fshihet asgjë dhe nuk mund të rrethohet asgjë..."

Bedri Islami