Miell për bukën e nesërme

“Miell për bukën e nesërme” përmbledh tregime për njerëzit që numërojnë jo vetëm paratë dhe ditët, por edhe shpresat. Me një gjuhë të thjeshtë e therëse, Kim Mehmeti krijon botë ku një grusht miell bëhet metaforë e frikës, krenarisë dhe ëndrrave që nuk duan të vdesin.

Midis varfërisë dhe dinjitetit, mërgimit dhe rrënjëve, dashurisë dhe zhgënjimit, tregimet e këtij libri lënë që shumëçka të mbetet e pathënë – pikërisht aty ku lexuesi nis të bëhet pjesë e rrëfimit.