Ku lulet çelin dhe nuk vyshken

Ai ende nuk di të flasë, por ka shumë për të treguar.

Bekim Markaj lind në një natë të acartë, mes një furtune dëbore, në një fshat të humbur mes maleve. Por ai nuk është një foshnjë e zakonshme, të paktën jo si rrëfimtar. Ende pa shqiptuar fjalën e parë, ai vëzhgon, mendon, gjykon dhe ironizon botën që e pret. Lindja e tij shndërrohet në një shfaqje të çuditshme, ku gëzimi dhe tragjedia ndajnë të njëjtën skenë.

Kjo mënyrë befasuese rrëfimi, ku pafajësia e një të sapolinduri ndërthuret me vetëdijen dhe ironinë e një të rrituri, i hap udhë një historie njerëzore plot të papritura.

Nga fëmijëria e shenjuar prej humbjes te rrugët e vështira të emigrimit, nga dashuria te zhgënjimet dhe zgjedhjet që ndryshojnë fatet, Bekimi përshkon një botë ku asgjë nuk është aq e thjeshtë sa duket.

Me humor të hollë, ironi therëse dhe ndjeshmëri të veçantë, Alban Tufa ndërton një roman ku kujtesa dhe imagjinata, tragjikja dhe komikja, e shkuara dhe e tashmja ndërthuren në një rrëfim të gjallë e të paparashikueshëm.

“Ku lulet çelin dhe nuk vyshken” është një histori për jetën që nis mes humbjes dhe shpresës, për rrënjët që na ndjekin kudo dhe për gjithçka që, pavarësisht kohës dhe largësisë, nuk vyshket kurrë brenda nesh.

Detajet rreth librit
Autori Alban Tufa
Shtëpia botuese Botimet Toena
Kategoria

Roman

Letërsi shqipe

Numri i faqeve 176
Data e botimit Nëntor 2026
ISBN 9789928961075
Gjuha Shqip
Libër fizik
900 Lekë

Dërgesa brenda 2-5 ditë pune