Si të bëhesh i lumtur

Në sytë e shumë njerëzve, unë quhem njeri i suksesshëm. Personalisht nuk e kam këtë ndjesi. Në vend të saj do të thosha se jam vazhdimisht në një lloj trazire. E vërej këtë edhe te njerëzit e tjerë që janë në stad të ngjashëm me timin dhe konsiderohen të suksesshëm. Për këtë arsye, fillova ta hetoj këtë dukuri. Kush është i suksesshëm dhe pse quhet i tillë? Unë vetë i konsideroj disa si të suksesshëm dhe disa të tjerë jo dhe aq shumë. Kështu, vendosa të hedh një vështrim të thelluar në mendësinë e tyre, në jetën e tyre. • Pse janë të suksesshëm? • A ndihen edhe ata të pasuksesshëm, sikurse unë? Cili është qëllimi i tyre final? • Pse po nxitojnë kaq shumë, nëse kanë arritur gjithçka për t’u quajtur të suksesshëm? • Pse shohin shumë larg dhe vendosin kufij përtej imagjinatës? • Cilët janë realisht të suksesshmit?