Kapelat prej kashte

Dashuria, kërkimi dhe pasioni i dashurisë... Tri motra, përjetimet e ditëve verore nën dritën vezulluese të Atikës përgjatë tre vjetëve. Maria, më e madhja, e ndjeshme dhe pranë mistereve të natyrës, Infanda e flaktë, por e përmbajtur kur vjen puna te dashuria, dhe Katerina, e etur për të qenë e lirë, zgjedh të jetojë ëndrrën e saj. Për të miti kthehet në realitet, ashtu si fytyra e gjyshes polake dhe e kapitenit Andrea. Katerina i rrëfen ndodhitë e këtyre tri verave me imagjinatë, me humor, plot ndjenjë dhe me hir rinor, përzier me një lloj nostalgjie.

Një libër plot entuziazëm që të bën për vete e që vazhdimisht zgjon emocione te lexuesi, ashtu sikundër dikush ndodhet përballë misterit femëror.

Libri “Kapelat prej kashte” qarkulloi për herë të parë në vitin 1946 dhe, më pas, u botua në Paris, më 1950 nga Botimet “Gallimard” me titullin “Trois Étés”. Në atë kohë Camus shkroi: Dielli është zhdukur nga librat në ditët e sotme. Prandaj ata na bëjnë keq, në vend që të na ndihmojnë në jetë. Por sekreti ruhet ende në disa vende, përçohet nga njëri ithtar te tjetri...