Këpucët

"Gishtat e trëndafiltë të këmbëve të zbathura, vizatonin me qindra petale lulesh në pluhurin e mëndafshtë të rrugës. Kaçurrelat e verdha, nën rrezet e diellit, zbritën në rrugë një ylber vetëtitës. Ajri i nxehtë, që valëvitej në mijëra ngjyra, sillte erën e detit, që ishte pranë, dhe njerëzit ndiheshin si të dehur. Vogëlushja e ndezi më shumë turmën e spektatoreve.
- Oh! - u dëgjua një thirrje, - ariu, po qesh!
 Ariu ngriti kokën nga dielli dhe filloi të kërcente edhe pa ritmin e defit. Fjongot dhe dantellat valëviteshin në ajër."