Rrënjët

Në këtë vëllim janë përfshirë njëmbëdhjetë tregime të autorit, të cilat përshkruhen nga tharmi real i jetës, ku dramaciteti është në raportet e njeriut me lirinë dhe të vërtetën. Janë rrëfime brenda një konteksti të kornizuar në kufi të dy etapave, para dhe pas pluralizmit, dhe në një hapësirë universale. Qëmtimi me kujdes i fabulave i ka dhënë autorit mundësinë e vënies përpara lexuesit të ngjarjeve interesante, të cilat ndërthurin në vetvete emocionin me të gjitha ndjesitë njerëzore, që nga dhimbja, hidhërimi, zhgënjimi, dashuria, urrejtja, të cilat përjetohen në situata sa jetësore, aq edhe ndonjëherë absurde.

“Rrënjët” vjen me një lëndë jetësore, shpërfaqur në një ligjërim të thjeshtë, por të zhdërvjellët, me përshkrime të thukëta dhe dialogë racionalë, me ret-rospektiva të shkurtra dhe me monologë meditativë, ndërthurur me leksikun popullor dhe krahinor e shprehje të spikatura përmes mendimeve apo thënieve të personazheve, ingranuar më së miri në strukturën letrare të tekstit, duke vënë në dukje edhe ngjyrat e stilit të autorit, i cili ka lënë në duart e lexuesve një vëllim dinjitoz.

Detajet rreth librit
Autori Resmi Çorbaxhi
Shtëpia botuese Botimet Toena
Kategoria

Tregime

Letërsi shqipe

Numri i faqeve 134
Data e botimit Maj 2018
ISBN 9789928235909
Gjuha Shqipe
Libër fizik
500 Lekë

Dërgesa brenda 2-5 ditë pune