Ballo me maska ose shakaja e fundit

Ndoshta diçka do të mësonte nëse ndiqte pasqyrën e shtypit të ditës tek emisioni “Koha për t’u zgjuar”. Tek mendonte kështu ia krisi shiu. - Me sa duket, - i tha bashkëshortja, - sot nuk do ta bëjmë dot shëtitjen, po bie shumë shi.

Ai zuri të rrufiste kafenë.

- Ku ta dish, - ia ktheu, - mbase deri atëherë shiu pushon.

- Të shpresojmë, - tha bashkëshortja dhe u largua nga ballkoni.

Ai mbeti vetëm. I përhumbur ia nguli sytë shiut. Në atë përhumbje ndjeu se diçka e mundonte. Derisa pa vetëdije iu ngrit së brendshmi pikëpyetja ekzistenciale e një epoke tjetër, që e mundonte prej

dyqind vjetësh:

Cili do të ishte epitafi më i përshtatshëm që mund të vihej mbi gurin e varrit të tij?