Zonjëza me pirpiri

Odise Kote, me një opus tashmë të pasur dhe autoritetin e një shkrimtari të spikatur shqiptar, shfaqet në këtë vepër si një krijues që dominon jo vetëm realitetet e diskursit që shtjellon, por edhe arrin t’i sublimojë ato nëpërmes frymëzimit, intuitës dhe virtuozitetit artistik në eliksir tërheqës dhe të freskët estetik. Romani “Zonjëza me pirpiri” transmeton fuqinë e traditës sonë popullore, efektet madhore që e bukura e ardhur prej shekujve të largët, prej gjenezave të hershme zanafillore të kombit tonë të lashtë ka rrezatim tronditës në mbarë kulturën botërore. Kjo vepër është një apologji e qartë e ontologjisë humane, e cila shfaqet te qenia njerëzore e çdo epoke, e çdo vendi apo kulture si një substrat i përbashkët dhe mjet i pashmangshëm komunikimi. Autori universalizon jo vetëm këtë souvenir mbresëlënës, të kulturës shqiptare, por edhe rikonfirmon universalitetin e qenies humane.

Zija Vukaj, përkthyes, studiues