Prof. Dr. Lekë Gjiknuri - Portreti i një shkencëtari

“Ecte i vëmendshëm. Qysh në pamje të parë të krijonte përshtypjen e njeriut paqësor e të urtë, e njeriut të mirë. Por Leka të ngrohte në shpirt kur e shihje nga afër. Unë e kam njohur prej vitesh. Leka ka qenë nga ata që të ndodhej pranë në ditët e vështira, ishte nga ata që të mbante e nuk të lëshonte edhe kur të tjerët hidhnin gurë mbi ty. Logjika e tij ishte e shëndoshë. Unë kënaqesha kur bisedoja me të. Ishte njeri me emocione, por te profesor Leka sundonte arsyeja. Në debat kërkonte argumente. Po t’ia shtroje ato, ai të dëgjonte e bindej; ndryshe fitonte logjika e tij.”

Prof. dr. Rexhep Meidani