Rikrijimi

Po sikur fundi që kërkon të mos ekzistojë?

Një mesazh i ardhur nga një e panjohur: "Po kërkoj fundin. Ti më shpie kaq pranë tij."

Që nga ai çast, jeta e rrëfimtares fillon të ndryshojë. Ajo fiksohet pas fundit: i lexon librat nga faqja e fundit, i kthen fjalët përmbys, kërkon shenja aty ku të tjerët shohin vetëm rastësi. Por kush është Alina? Çfarë kërkon prej saj? Dhe deri ku mund ta çojë një kërkim i tillë?

Përgjigjet e çojnë në një botë ku shtëpitë ruajnë kujtesën, të vdekurit nuk janë gjithmonë të larguar dhe e shkuara mund të rikthehet në forma të papritura. Në qendër të saj janë Mara, Balsha dhe nënëlokja – njerëz të lidhur nga humbja, dashuria, kujtesa dhe një nevojë e thellë për të filluar përsëri.

“Rikrijimi” është një roman që të tërheq ngadalë drejt një kufiri ku nuk është më e lehtë të dallosh të vërtetën nga përfytyrimi, jetën nga vdekja, fundin nga fillimi.

Një histori e pazakontë për humbjen, kujtesën dhe dëshirën për t’u rilindur.

Sepse ndoshta asgjë nuk përfundon vërtet.
Ndoshta çdo fund është vetëm një rikrijim.