Gota e lumturisë

Vëllimin i ri “Gota e lumturisë”, ku përfshihen 53 rrëfenja, është vazhdim i tre vëllimeve të mëparshëm për nga stili, tematika dhe mesazhet që përcjellin rrëfenjat.
Në tërësinë e tyre, rrëfenjat kanë karakter të theksuar edukativ. Autori, me stil të shkurtër e të kuptueshëm, gjuhë të përpunuar letrare dhe i bazuar kryesisht në fjalë të urta e thënie diturake, ka arritur të zbërthejë në pak radhë probleme të jetës e bëmave të fëmijëve shkollarë, të shoqërisë sonë dhe të emigrantëve, duke e vënë theksin fort në vlerësimin e virtyteve morale e fshikullimin e veseve.
Disa prej rrëfenjave janë mbështetur nga jeta jonë aktuale, sa ndonjëherë ngjarjet duken sikur ndodhin në ditët e sotme.
E rëndësishme është që mesazhet që përcillen si në këtë vëllim, ashtu dhe në tre të tjerët, kanë vlera universale edukuese janë, si të thuash, triumfi i të mirës ndaj të keqes për çdo kohë e në çdo vend.