PAULO COELHO ka lindur në Rio-de-Zhanejro më 1947. Ai është vlerësuar si një prej autorëve më të shitur dhe më me ndikim në letërsinë botërore bashkëkohore. Veprat e tij, të botuara në më shumë se 170 vende, janë përkthyer në 88 gjuhë të ndryshme të botës dhe janë shitur në më shumë se 320 milionë kopje në të gjithë rruzullin. Vepra e tij e parë që fitoi famë ndërkombëtare mbetet “Alkimisti”, me mbi 85 milionë kopje të shitura deri tani. Ndër çmimet më të rëndësishme që ka marrë autori, mund të përmendim: “Crystal Award” nga Forumi Ekonomik Botëror; titullin “Kalorësi i Urdhrit Kombëtar të Legjionit të Nderit”, i dhënë nga qeveria franceze. Që prej 2002-it, Paulo Coelho është anëtar i Akademisë Braziliane të Letrave. Atij iu dha titulli “Lajmëtar i Paqes” nga Kombet e Bashkuara, më 2007. Për të mësuar më shumë vizitoni: www.paulocoelhoblog.com