Namik Dokle lindi më 11 mars të vitit 1946 në Durrës, është gazetar dhe politikan i njohur shqiptar. Ai u diplomua në Universitetin Bujqësor, dega Ekonomi Agrare - 1965-1970 si dhe në Universitetin e Tiranës, Fakulteti i Gazetarisë -1968-1970.

Më 1994 ai ndoqi një kurs specializimi për gjuhën dhe kulturën spanjolle në Universitetin Complutense, Madrid. Më 1995 u specializua pranë Këshillit të Europës për Problemet Parlamentare, Strasburg dhe më 1997 ndoqqi një kurs specializimi për problemet e tranzicionit  në Madrid.

Gjatë viteve 1970-1983 punoi si gazetar në redaksinë e gazetës “Puna”; 1983-1989: kryeredaktor i gazetës “Puna”; 1989-1990: sekretar i Bashkimeve Profesionale; 1991: kryeredaktor i gazetës “Zëri i Popullit”. Gjithashtu ai ka edhe një veprimtari të gjerë politike që prej vitit 1991.

Ai ka shkruar mbi 700 artikuj, ese, intervista në shtypin shqiptar dhe intervista në shtypin italian, francez, amerikan, grek dhe spanjoll.